सेती खोँचमा बिलाए कञ्चनपुरका आमा–छोरा
कञ्चनपुर - आइतबार विहान भएको जहाज दुर्घटनामा कञ्चनपुरका एक आमा छोराको ज्यान गएको छ । कञ्चनपुरका व्यवसायी सञ्जिवचन्द्र भट्टकी श्रीमती र छोरा दुर्घटनामा परेका हुन्।
व्यवसायी भट्टकी श्रीमती सुष्मा पाण्डेय भट्ट र कान्छो छोरा स्लक भट्ट दुर्घटनामा परेका छन्। आमा–छोरा आइतबार घुम्नका लागि यती एयरलाइन्सको जहाजमा पोखरा उडेका थिए ।
व्यवसायी भट्ट पुस ५ मा महेन्द्रनगरबाट काठमाडौं गएका थिए। उनका दुई छोरी र दुई छोरा छन्। कान्छा छोरा दुर्घटनामा परेका हुन्। उनी काठमाडौंस्थित सेन्ट जेभियर्स कलेजमा ११ कक्षामा अध्ययनरत थिए। भट्टको महेन्द्रनगरमा बजारमा पशुपती इम्पोरियम छ ।
प्रकाशित मिति: आइतबार, माघ १, २०७९ १८:३५
प्रतिक्रिया दिनुहोस्
लोकप्रीय
