कञ्चनपुरमा साथीको घर गएर सुतेका युवक मृत फेला
कञ्चनपुर –कञ्चनपुरमा साथीको घर गएर सुतेका एक युवक मृत फेला परेका छन् । जिल्लाको भीमदत्त नगरपालिका–२ भासीका तारादत्त भट्टको घरमा उनका साथी सोही नगरपालिका–११ का २३ वर्षीय पुरन चौधरी मृत फेला परेका प्रहरीले जनाएको छ ।
जिल्ला प्रहरी कार्यालय कञ्चनपुरका अनुसार दुबै जना साथी हुन् । उनीहरु राति सँगै सुतेकोमा चौधरी भने मृत फेला परेका हुन् । मृत्युको कारण नखुलेको र घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: मंगलबार, मंसिर १३, २०७९ १३:४५
प्रतिक्रिया दिनुहोस्
लोकप्रीय
