बैतडी –बैतडीको पाटन नगरपालिकाको छैठौं नगर सभा सम्पन्न भएको छ । शुक्रबार नगर सभा सम्पन्न भएको पाटन नगरपालिकाका प्रमुख गौरीसिंह रावलले जानकारी दिए । 

नगर सभामा चालु आर्थिक बर्षको हालसम्मको प्रगति प्रतिवेदन निर्णयार्थ पेश गरिएकोमा उक्त प्रतिवेदन सर्वसम्मतले पारित भएको छ । यस्तै चालु आर्थिक बर्षको पौष मसान्तसम्मको आयव्यय प्रतिवेदन पनि सभाले सर्वसम्मत पारित गरेको नगरपालिकाले जनाएको छ । 

नगरसभामा चालु आर्थिक बर्षमा अहिले सम्म सम्पादन भएका कामहरुको विवरण प्रस्तुत गरिएको थियो । 

नगर प्रमुख गौरीसिंह रावलको अध्यक्षतामा भएको नगर सभामा उपप्रमुख कमलसिंह बोहरा, प्रमुख प्रशासकीय अधिकृत अम्मरराज जोशी, नगरसभा सदस्य लगायतको उपस्थिती रहेको थियो ।