बैतडीका एक किशोर दिल्लीबाट बेपत्ता, खोजीमा सहयोग गरिदिन आग्रह
बैतडी –बैतडीका एक किशोर भारतको नयाँ दिल्लीबाट बेपत्ता भएका छन् ।
जिल्लाको दोगडाकेदार गाउँपालिका–५ न्वाली सल्सेना घर भएका १७ बर्षीय अमृत कार्की भारतको नयाँ दिल्लीबाट बेपत्ता भएका स्थानीय मनोज कार्कीले बताए । भारतको बेंगलोरबाट घर फर्कदै गरेका कार्की दिल्लीबाट बेपत्ता भएका उनले बताए । उनी ५ दिन पहिले दिल्लीबाट सम्पर्कविहिन भएका हुन् ।
रोजगारीका लागि केही महिना अगाडि बेंगलोर पुगेका कार्की घर फर्कदै गरेका थिए । उनी बेपत्ता भएपछि खोजीमा सहयोग गरिदिन परिवारजनले आग्रह गरेका छन् ।
कसैले कार्कीलाई फेला पारेमा नजिकको प्रहरी कार्यालयमा वा मोबाइल नम्बर ९८४२२१५०१६ मा सम्पर्क गरिदिन आग्रह गरिएको छ । यस्तै भारतमा मोबाइल नम्बर ९९१५४११६३३ मा सम्पर्क गरिदिन आग्रह गरिएको छ ।
प्रकाशित मिति: मंगलबार, भदौ ९, २०८३ १२:४६
प्रतिक्रिया दिनुहोस्
साताको लोकप्रिय
