सिद्धनाथ आधारभूत विद्यालयको बार्षिकोत्सव सम्पन्न
बैतडी–बैतडीको सुर्नया गाउँपालिका–५ स्थित सिद्धनाथ आधारभूत विद्यालयको ४० औं बार्षिकोत्सव विविध सांस्कृतिक कार्यक्रमका साथ आज सम्पन्न भएको छ ।
विद्यालय व्यवस्थापन समितिका अध्यक्ष मिनबहादुर बिष्टको अध्यक्षतामा भएको बार्षिकोत्सव समारोहमा सुर्नया गाउँपालिका वडा नं ५ का वडा अध्यक्ष केशव बिष्ट प्रमुख अतिथी रहेका थिए ।
बार्षिकोत्सव समारोहमा विद्यालयका प्रधानाध्यापक चन्द्रबहादुर बिष्टले शैक्षिक तथा भौतिक प्रतिवेदन पेश गरे । उनले पेश गरेको प्रतिवदेन अनुसार विद्यालयको आय–व्यय ४५ लाख रुपैयाँ रहेको छ ।
बार्षिकोत्सवको अवसरमा विद्यालयका उत्कृष्ट छात्रछात्रा तथा विभिन्न अतिरिक्त क्रियाकलापमा सहभागी छात्रछात्राहरुलाई पुरस्कार वितरण गरिएको छ ।
कक्षा ८ सम्मको पढाई हुने उक्त विद्यालयमा १ सय १ जना विद्यार्थी अध्ययनरत रहेका छन् ।
प्रकाशित मिति: बिहीबार, माघ १०, २०८१ १८:०७
प्रतिक्रिया दिनुहोस्
थप बैतडी
साताको लोकप्रिय
