दार्चुला –दार्चुला सदरमुकाम खलंगा बसपार्क नजिक घाइते भइ बेहोस अवस्थामा एक पुरूष फेला परेका छन् । आइतबार बिहान अढाई बजेको समयमा बजेको समयमा महाकाली न.पा. ४ बसपार्क नजिक वेहोस अवस्थामा अन्दाजी ३०÷३५ बर्षीय पुरुष फेला परी उद्धार गरिएको जिल्ला प्रहरी कार्यालय दार्चुलाले जनाएको छ । नाम,थर र ठेगाना नखुलेका ती पुरुषको जिल्ला अस्पतालमा उपचार भइरहेको छ । 

वेवारिसे अवस्थामा फेला परेका उनको स्वास्थ अवस्था गम्भीर रहेको प्रहरीले जनाएको । उनलाई तत्काल सुविधा सम्पन्न अस्पतालमा रिफर गर्नु पर्ने हुदा उनलाई चिन्ने व्यक्तिले आफन्तलाई खबर गरी वा जिल्ला प्रहरी कार्यालय तथा जिल्ला अस्पताल दार्चुलामा सम्पर्क राख्न हुन अनुरोध गरिएको छ ।

घाइते पुरूषको टाउकोमा गम्भीर चोट रहेको छ । ती व्यक्ति लडेका वा कसैले कुटपिट गरेर फालेको हुन सक्ने अनुमान गरिएको छ । घटनाबारे अनुसन्धान भइरहेको प्रहरीले बताएको छ ।