बैतडी –बैतडीको दशरथचन्द नगरपालिका २ देहीमाण्डौंस्थित जनकालिका बचत तथा ऋण सहकारी संस्थाको अध्यक्षमा खडकबहादुर बोहरा निर्वाचित भएका छन् । शनिबार भएको निर्वाचनबाट उनी २९८ मत ल्याएर निर्वाचित भएका हुन् । उनका प्रतिस्पर्धी प्रकाश बोहराले २४१ मत ल्याए ।
खडक बोहरा एमालेका वडा कमिटि अध्यक्ष हुन् भने प्रकाश बोहरा नेकपा माओवादी केन्द्रका दशरथचन्द नगरकमिटि उपाध्यक्ष हुन् ।
यस्तै उपाध्यक्षमा बीरबहादुर बोहरा २६१ मत ल्याएर निर्वाचित भएका छन् । उनका प्रतिस्पर्धी बीरबहादु बोहरा (सुबेदार)ले २५४ मत ल्याएर पराजित भए । उपाध्यक्षमा निर्वाचित बोहरा एमालेका वडा कमिटि सदस्य हुन् भने अर्का बीरबहादुर बोहरा कांग्रेसका निकट हुन् ।
जनकालिका बचत तथा ऋण सहकारी संस्था सञ्चालक समितिको अध्यक्ष र उपाध्यक्षका लागि सहमति नभएपछि मतदान भएको थियो । ७७५ जना शेयर सदस्य मध्ये ५५२ जनाले मतदानमा भाग लिएका थिए ।
सहकारी संस्थाको २४ औं बार्षिक साधारणसभामा नेतृत्व चयनका लागि सहमति हुन नसक्दा निर्वाचन भएको हो । अन्य पदहरुमा भने निर्विरोध चयन भएका सहकारी संस्थाले जनाएको छ ।
