बैतडी –नेकपा एमाले बैतडीको इन्चार्जमा पुरनसिंह दयाल र सहइन्चार्जमा लिलाधर भट्टलाई जिम्मेवारी तोकिएको छ । केन्द्रिय कमिटिले कार्यविभाज गर्दै दयाललाई जिल्ला इन्चार्ज र भट्टलाई सहइन्चार्जको जिम्मेवारी दिएको हो ।
दुवै जना एमालेको दशौं महाधिवेशनबाट केन्द्रिय सदस्यमा निर्वाचित भएका थिए । पार्टीले सहइन्चार्जको जिम्मेवारी दिएपछि आफू पार्टी संगठन विस्तारमा लागेको भट्टले बताए ।
अब जिल्लाभरी संगठन अभियान विस्तार र पार्टी प्रवेश कार्यक्रमलाई अघि बढाउने उनले बताए । उनले भने ‘अब हामी संगठन विस्तार अभियानमा लाग्छौं । केन्द्रले पार्टी प्रवेश अभियान सञ्चालन गरेको छ । सोही अनुसार हामी अगाडि बढ्छौं ।’
पार्टी केन्द्रिय निती अनुसार पार्टी प्रवेश कार्यक्रम सञ्चालन गरिने सहइन्चार्ज भट्टले जानकारी दिए । सोही अनुसार जिल्लामा कार्यक्रम सञ्चालन भईसकेको उनले दाबी गरे ।
