कञ्चनपुरमा ट्याक्टर दुर्घटना : तीन जनाको मृत्यु (अपडेट)
कञ्चनपुर – कञ्चनपुरको अर्जुनी ब्यारेक नजिक शुक्रबार दिउँसो भएको ट्याक्टर दुर्घटनामा ३ जनाको मृत्यु भएको छ । दुर्घटनामा गम्भीर घाइते भएका तीन जनाको सेती प्रादेशिक अस्पतालमा उपचारका क्रममा मृत्यु भएको हो ।
दैजीबाट कृष्णपुरस्थित घर फर्किरहेको जन्ती बोकेको से १ त ३८४१ नम्बरको ट्याक्टर दुर्घटनामा परेको थियो । १४ जना घाइते भएकामा गम्भीर अवस्थाका ३ जनाको मृत्यु भएको हो ।
मृत्यु हुनेमा कृष्णपुर नगरपालिका– ९ रैकवारका ५५ बर्षीय रनि राना, सोही ठाउँकी ६५ बर्षीया द्रोपती राना र ४४ बर्षीय रतनाकुमारी राना रहेका प्रहरीले जनाएको छ ।
गम्भीर घाइते भएका चालक रामप्रसाद रानाको प्रादेशिक अस्पतालमा उपचार भइरहेको छ । उनी सिकिस्त छन् ।
प्रकाशित मिति: शुक्रबार, मंसिर १७, २०७८ १९:३२
प्रतिक्रिया दिनुहोस्
लोकप्रीय
