बैतडी–मिसन पर्यटन संघद्वारा सञ्चालन भई बैतडीमा परीक्षण प्रशारणमा रहेको सामुदायिक रेडियो सगुन ८९.५ मेगाहर्जले आधारभूत रेडियो पत्रकारिता तालिम सञ्चालन गर्ने भएको छ ।
आवाज विहिनहरुको आवाज भन्ने मूल नारा लिएर सञ्चालनमा आएको रेडियोले आधारभूत रेडियो पत्रकारिता तालिम सञ्चालन गर्ने तयारी गरेको रेडियोका अध्यक्ष महेश अवस्थीले बताए ।
तालिम सञ्चालनका लागि आवेदन आह्वान गरेको र कार्तिक मसान्तभित्र फारम भर्न सकिने रेडियोले जनाएको छ । उनले भने ‘आवेदकहरुले अनलाइन फारम समेत भर्न सक्नेछन् ।’
कम्तीमा एसईई उत्तीर्ण गरेका नेपाली नागरिकहरुले तालिममा सहभागिता जनाउन सक्नेछन् भने तालिमका उत्कृष्ट सहभागीहरुले रेडियो निङ्गलाशैनी ९४ मेगाहर्ज र सामुदायिक रेडियो सगुन ८९.५ मेगाहर्जमा कर्मचारी रुपमा काम गर्ने अवसर प्राप्त गर्ने अध्यक्ष अवस्थीले बताए ।
यसका साथै बैतडीका प्रत्येक स्थानीय तहमा एक ÷एक जना सम्वाददाता राख्ने तयारी समेत भएको अध्यक्ष अवस्थीले बताए ।
