सुदूरपश्चिममा बाढी पहिरोका कारण मृत्यु हुनेको संख्या ३१ पुग्यो
बैतडी –सुदूरपश्चिम प्रदेशमा बाढीपहिरोका कारण मृत्यु हुनेको संख्या ३१ पुगेको छ । सबैभन्दा बढी डोटीमा १६, बझाङमा ८, बैतडीमा चार, डडेल्धुरामा दुई र कैलालीमा एक जनाको मृत्यु भएको छ।
पहिरोमा च्यापिएर प्रदेशमा २३ जना बेपत्ता रहेको प्रदेश प्रहरी कार्यालय धनगढीले जनाएको छ । बझाङमा २१, कैलाली र बैतडीका एक÷एक जना बेपत्ता छन् ।
बझाङमा नेपाली सेनाको हेलिकोप्टरमार्फत पहिरोमा परेकाहरुको उद्धार र खोजी कार्यको लागि आवश्यक राहात र औषधिको व्यवस्था गरेर रेस्क्यु टोली घटनास्थल पुगिसकेको छ ।
यस्तै बाढीपहिरोका कारण १७ जना घाइते भएका छन्। डोटीमा ११ जना, डडेल्धुरा र बैतडीमा २÷२, बझाङ र बाजुरमा एक÷ एक जना घाइते छन् ।
प्रकाशित मिति: बिहीबार, कात्तिक ४, २०७८ १६:२९
प्रतिक्रिया दिनुहोस्
थप बैतडी
लोकप्रीय
