इटलीमा विमान दुर्घटना हुँदा ८ जनाको ज्यान गयो
काठमाण्डाै - इटलीमा विमान दुर्घटना हुँदा ८ जनाको ज्यान गएको छ ।
इटलीको उत्तरी सहर मिलानमा रहेको खाली कार्यालय भवनमा ठोक्किएर विमान दुर्घटना हुँदा विमानमा रहेका आठै जनाको ज्यान गएको बीबीसीले जनाएको छ ।
मिलानको लिनाते विमानस्थलबाट सार्दिनिया आइल्यान्डका लागि उडान भरेको विमान दुर्घटनामा परेको हो ।
दुर्घटनामा पाइलटसहित उनकी श्रीमती र छोराको पनि ज्यान गएको त्यहाँका सञ्चारमाध्यमले उल्लेख गरेका छन् ।
विमान ठोक्किएपछि भवन तथा तल रहेका कारमा आगलागी भएको थियो । दुर्घटनाको कारणबारे अनुसन्धान भइरहेको छ ।
प्रकाशित मिति: सोमबार, असोज १८, २०७८ ११:३५
प्रतिक्रिया दिनुहोस्
थप बिश्व
लोकप्रीय
