बैतडी –बैतडीको पुर्चौंडी नगरपालिकाका विभिन्न स्वास्थ्य संस्थामा काम गर्ने १० स्वास्थ्यकर्मी सहित पुर्चौंडीमा एकैदिन १५ जनामा कोरोना पुष्टि भएको छ ।
डडेल्धुरा अस्पतालको प्रयोगशालामा गरिएको परीक्षणमा पुर्चौंडी नगरपालिकाका १५ जनामा कोरोना पुष्टि भएको स्वास्थ्य कार्यालयले जनाएको छ ।
शुक्रबार प्राप्त रिपोट अनुसार थप २५ जनाको परीक्षण गर्दा १५ जनामा कोरोना पुष्टि भएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए ।
शुक्रबार १५ जनामा संक्रमण पुष्टि भएसंगै जिल्लामा सक्रिय संक्रमितको संख्या १५५ पुगेको छ । सक्रिय संक्रमित मध्ये सबैभन्दा बढी दशरथचन्द नगरपालिकामा ८० जना सक्रिय संक्रमित रहेका छन् ।
यस्तै पाटन नगरपालिकामा २७, पुर्चौंडी नगरपालिकामा २२ र मेलौली नगरपालिकामा १२ जना सक्रिय संक्रमित रहेका छन् ।
यस्तै दोगडाकेदार गाउँपालिकामा ७, पञ्चेश्वर गाउँपालिकामा ४ र सिगास, शिवनाथ र सुर्नया गाउँपालिकामा १÷१ जना सक्रिय संक्रमित रहेका छन् ।
परीक्षणका लागि पठाएका स्वाबहरुमध्ये धेरैजसोमा कोरोना पुष्टि हुन थालेकाले स्वास्थ्यका मापदण्ड पालना गर्न स्वास्थ्यकर्मीहरुले आग्रह गरेका छन् ।
