बैतडीको गोकुलेश्वरमा हावाहुरीले पसलका छाना उडायो
बैतडी –शनिबार दिउँसो बर्षासंगै आएको हावाहुरीले बैतडीको गोकुलेश्वर बजारका पसलहरुमा क्षति पुर्याएको छ । बर्षासंगै आएको हावाहुरीले गोकुलेश्वर पुल छेउ नजिकै रहेका चारओटा पसलको छाना उडाएको स्थानीय सुरेश श्रेष्ठले बताए ।
एक्कासी पानीसंगै आएको हावाहुरीले छानो उडाएपछि व्यापारीहरुको सामग्री पानीले भिजेको र अहिले त्रिपाल हालेर जोगाउने प्रयास भएको उनले बताए ।
हावाहुरीले हरिश जोशी, मञ्जु दमाई, रमेश नाथ र नवीन नाथको पसलको जस्तापाताले छाएको छानो उडाएको हो । हावाहुरीले छानो उडाएपछि व्यापारीहरुलाई सामग्री जोगाउन मुस्किल भएको छ ।
प्रकाशित मिति: शनिबार, असोज १६, २०७८ १६:५५
प्रतिक्रिया दिनुहोस्
थप बैतडी
लोकप्रीय
