बैतडी –बैतडीको दशरथचन्द नगरपालिका–१ झोकालीका नवीन भुलको २६ बर्षको अल्पयुमै निधन भएपछि उनको परिवार विचल्लीमा परेको छ ।
लामो समयदेखि बिरामी रहेका भुलको असार १४ राति मृत्यु भएको थियो । उनको घरमा श्रीमति,दुई छोरी र बुढेसकालकी आमा रहेकी छन् । घरको कमाउने मान्छेको नै अल्पायुमै निधन भएपछि नवीनको परिवार समस्यामा परेको स्थानीय रमेशकान्त बडूले बताए ।
केही बर्ष पहिला क्यान्सरका कारण बुवा गुमाएका नवीनको समेत निधन भएपछि उनको घरको आधार ढलेको बडूले बताए ।
श्रीमानको अल्पायुमै मृत्यु भएपछि उनकी २३ बर्षीया श्रीमती राजमती भुललाई दुई छोरी र वृद्धा सासुआमाको पालनपोषणमै समस्या भएको छ । कमाइको कुनै आधार नभएका भुल परिवारलाई दैनिक छाक टार्न समेत धौ–धौ परेको बडूले बताए ।
यसैबीच नवीनको अकालमै मृत्यु भएपछि उनको परिवारका लागि सहयोग अभियान सञ्चालन गरिएको छ । मृतकको नवीनकी श्रीमतीको नाममा खाता समेत नभएकाले स्थानीय केशवराम भुलको खातामा रकम जमा गर्ने गरेर अभियान सञ्चालन गरिएको हो ।
समस्यामा परेका परिवारलाई सहयोग गर्नु नै मानवीय धर्म भएकाले सहयोग अभियान सञ्चालन गरिएको बडूले बताए । सहयोग गर्न चाहने महानुभावहरुले केशवराम भुलको नेपाल इन्भेष्टमेन्ट मेगा बैंक लिमिटेडमा रहेको खाता नम्बर ०६५०५०५०२९४९०४ मा रकम जमा गर्न सक्ने बताइएको छ ।
यस्तै भारतबाट सहयोग गर्न चाहने महानुभावहरुले ९०३६२७७४४९ नम्बरमा रकम जमा गर्न सक्ने बताइएको छ ।
