हावाहुरीले बैतडीको मेलौलीका दुई विद्यालयमा क्षति
बैतडी–पानीसँगै आएको हावाहुरीले बैतडीको मेलौली नगरपालिकाभित्र दुई विद्यालयमा क्षति पुर्याएको छ ।
मेलौली नगरपालिका–१ स्थित शितलपुर माविको भवनमा हावाहुरीले क्षति पुर्याएको बताइएको छ । उक्त विद्यालयको दुई कोठे भवनको छानो उडाएको विद्यालयका शिक्षक नरेशसिंह नेगीले बताए ।
जस्तापाताले छाएको उक्त विद्यालय भवनको छानो आज बिहानको हावाहुरीले उडाएको उनले बताए ।
यस्तै मेलौली नगरपालिका–७ गाउँकोटस्थित भरतपुर माविको दुई कोठे भवनमा हावाहुरीले क्षति पुर्याएको छ ।
आइतबार दिउँसो आएको हावाहुरीले विद्यालयको दुई कोठे भवनको छानो उडाएको विद्यालय व्यवस्थापन समिति अध्यक्ष विरेन्द्रबहादुर चन्दले बताए ।
विद्यालय भवनको छानो उडाएपछि विद्यालयको भवनमा क्षति पुगेको छ भने पठनपाठन सञ्चालनमा समेत समस्या हुने देखिएको विद्यालयले जनाएको छ ।
प्रकाशित मिति: सोमबार, वैशाख २१, २०८३ १७:५५
प्रतिक्रिया दिनुहोस्
साताको लोकप्रिय
