बैतडी- बैतडीमा ट्याक्टर दुर्घटना हुँदा एक जनाको मृत्यु भएको छ । जिल्लाको सिगास गाउँपालिका ८ सानिगाड खोला नजिक आइतबार बिहान ट्याक्टर दुर्घटनामा परेको जिल्ला प्रहरी कार्यालय बैतडीका प्रबक्ता प्रहरी निरीक्षक सुरज सिंहले बताए ।

दुर्घटनामा परि सिगास ८ का अन्दाजि २५ वर्षिय लोकेन्द्र बोहराको घटनास्थलमा नै मृत्यु भएको बताइएको छ । सिगासको लुपुण देखि बझाङको देउलेख जादै गरेको सु प ०१ ००१ त १३८४ नम्बरको ट्याक्टर अनियन्त्रीत भइ दुर्घटना परेको निरीक्षक सिहले बताए ।

चालक सिगास गाउँपालिका–५ का अन्दाजी ३० वर्षीय दानबहादुर धामी आफूहरूको सम्पर्कमा रहेको उनले बताए ।  ट्याक्टरमा चालकसहित दुई जना मात्रै सवार रहेका थिए ।

ट्याक्टर सडकबाट करिब २०० देखि ३०० मिटर तल खसेको जनाइएको छ । घटनाबारे थप अनुसन्धान भइरहेको प्रहरीले जानाएको छ ।