डोटीमा छतबाट खसेर एक युवकको मृत्यु
बैतडी – डोटीमा छतबाट खसेर एक युवकको मृत्यु भएको छ ।
मृत्यु हुनेमा जोरायल गाउँपालिका १ गैरा (भड्डी) बस्ने अन्दाजी ३२ वर्षीय दिपक खड्का रहेको जिल्ला प्रहरी कार्यालय डोटीले जनाएको छ ।खड्का मंगलबार राति करिब डेढ बजेतिर जोरायल गाउँपालिका- १ गैरामा भुपेन्द्र घर्ती मगरले सञ्चालन गर्दै आएको लुम्बिनी भान्सा घर एण्ड लजको तीन तलामाथिको छतबाट खसेका थिए ।
प्रहरी सहायक निरीक्षक पदम सिंहका अनु्सार घाइते अवस्थाका उनलाई उपचारका लागि डडेल्धुरा अस्पतालमा पठाएको थियो। बिहान ५ बजेतिर डडेल्धुरा अस्पतालले चेकजाँच गर्ने क्रममा मृत घोषणा गरेको हो। स्थानीयका अनुसार खडकाले मदिरा सेवन गरेको बुझिएको छ। प्रहरीले घटनाको विस्तृत अनुसन्धान गरिरहेको छ।
प्रकाशित मिति: बुधबार, जेठ १४, २०८२ १२:३२
प्रतिक्रिया दिनुहोस्
साताको लोकप्रिय
