बैतडीको मेलौलीका विद्यालय बन्द
बैतडी –बैतडीको मेलौली नगरपालिकाले अर्को सूचना नभए सम्मका लागि विद्यालय बन्द गरेको छ । गएको साउन १० गतेदेखि भौतिक रुपमा विद्यालय सञ्चालन गरेको नगरपालिकाले कोरोना भाइरस संक्रमणको जोखिम बढेको भन्दै अर्को सूचना नभए सम्मका लागि विद्यालय बन्द गर्ने निर्णय गरेको हो ।
चाडपर्वको समय नजिक आएको, विदेशबाट घर फर्किने नागरिकको संख्या पनि बढ्दै गएकाले संक्रमणको जोखिम बढ्दै गएको नगरपालिकले जनाएको छ ।
नगरपालिकाका केही व्यक्तिमा संक्रमण देखिएकाले संक्रमण नफैलियोस भन्नका लागि विद्यालय बन्द गर्ने निर्णय भएको नगरपालिकाद्वारा जारी सूचनामा उल्लेख गरिएको छ ।
यस्तै नगरपालिकाले वैकल्पिक शिक्षणका उपायद्वारा शिक्षण सिकाईलाई अगाडि बढाउन आग्रह गरेको छ ।
प्रकाशित मिति: शुक्रबार, भदौ ११, २०७८ १८:१७
प्रतिक्रिया दिनुहोस्
थप बैतडी
लोकप्रीय
