अफगानिस्तानमा रहेका बैतडीका नागरिकको विवरण संकलन गरिँदै
बैतडी –जिल्ला प्रशासन कार्यालय बैतडीले अफगानिस्तानमा रहेका बैतडीका नागरिकको विवरण संकलन गर्न थालेको छ । अफगानिस्तानमा रहेका नागरिकको उद्धार गर्ने सरकारको निर्णयानुसार नागरिकको विवरण संकलन गर्न थालिएको जिल्ला प्रशासन कार्यालय बैतडीका सूचना अधिकारी खगेन्द्र भारतीले जानकारी दिए ।
अफगानिस्तानमा रहेका नागरिकको विवरण पठाउन जिल्लाका सबै स्थानीय तहहरुलाई पत्राचार समेत गरिएको उनले बताए । अफगानिस्तानमा रहेका नागरिकको विवरण संकलन कार्य सोमबार भित्र गरिसक्न स्थानीय तहहरुलाई भनिएको सूचना अधिकारी भारतीले बताए ।
स्थानीय तहबाट प्राप्त भएको विवरण गृहमन्त्रालयमा पठाइने बताइएको छ । प्रशासनको पत्रअनुसार स्थानीय तहरुले वडा कार्यालयमार्फत विवरण संकलन गरिरहेका छन् ।
प्रकाशित मिति: आइतबार, भदौ ६, २०७८ १३:१४
प्रतिक्रिया दिनुहोस्
थप बैतडी
लोकप्रीय
