बैतडी–राष्ट्रिय वाणिज्य बैंक बैतडीले एक विद्यालयलाई खेल सामग्री र डे«ेस वितरण गरेको छ । राष्ट्रिय वाणिज्य बैंकको ६० औं बार्षिकोत्सवको अवसरमा सुर्नया गाउँपालिका–७ स्थित भुवनेश्वर मावि चौथालीलाई खेल सामग्री र ड्रेस वितरण गरेको हो । 

राष्ट्रपति रनिङ शिल्डमा सहभागी हुने खेलाडीहरुलाई सहज होस भनेर खेल सामग्री र ड्रेस वितरण गरिएको राष्ट्रिय वाणिज्य बैंक बैतडीका प्रबन्धक दिपेन्द्र अवस्थीले जानकारी दिए । 

वाणिज्य बैंकले उपलब्ध गराएका ड्रेस र खेल सामग्री विद्यालयलाई हस्तान्तरण गरिएको विद्यालयका प्रधानाध्यापक नन्दराम अवस्थीले बताए । वाणिज्य बैंकले उपलब्ध गराएका सामग्री र ड्रेसले खेलाडीहरुलाई सहयोग पुग्ने उनले बताए । 

राष्ट्रिय वाणिज्य बैंकले बिहीबार ६० औं बार्षिकोत्सव मनाउँदैछ ।