बर्षाले सुर्नया– ६ धुलिधारमा एक घर भत्कियो, तीन घर पहिरोको जोखिममा
बैतडी–बुधबाररातिदेखि शुक्रबारसम्मको भारी बर्षाले बैतडीको सुर्नया ६ धुलिधारमा एक घर भत्किएको छ । शुक्रबार दिउँसो स्थानीय जनकराज अवस्थीको घर भत्किएको हो ।
घर भत्किँदा उनको गोठामा बाँधेका एक होल गोरुलाई समान्य चोट लागेको स्थानीय नवराज अवस्थीले जानकारी दिए ।
यस्तै सुर्नया ६ धुलिधारकै अम्बादत्त पन्त, चन्द्रदेव पन्त र पदमराज अवस्थीको घर पहिरोको उच्च जोखिममा परेको छ । बर्षाका कारण खसेको पहिरोले उनीहरुका घर जोखिममा परेका हुन् ।
पहिरोले अम्बादत्त पन्त र चन्द्रदेव पन्तको बारीमा लगाएको बन्दा समेत नष्ट भएको बताइएको छ ।
प्रकाशित मिति: शनिबार, भदौ २९, २०८१ १०:४४
प्रतिक्रिया दिनुहोस्
साताको लोकप्रीय
