पहिरोले जयपृथ्वी राजमार्ग अवरुद्ध
बझाङ –लगातारको बर्षाका कारण खसेको पहिरोले बझाङको जयपृथ्वी राजमार्ग अवरुद्ध भएको छ ।
तमैल बजारनजिकै जालेबगरमा पहिरो झरेपछि बिहीबार बिहान ५ बजेदेखि राजमार्ग अवरुद्ध भएको हो ।
सडक अवरुद्ध भएपछि बझाङबाट छुट्ने र भित्रिने लामो तथा छोटो दुरीका सवारी साधन चल्न सकेका छैनन् ।
बिहीबार बिहान बझाङबाट धनगढी, काठमाडौं, महेन्द्रनगर, डडेल्धुराका लागि छुटेका र त्यहाँबाट बझाङ भित्रिने गाडीहरू रोकिएका छन् । सडक खुलाउन एक्स्काभेटर आएको तर, पहिरो झर्न नरोकिँदा खुलाउन समस्या भइरहेको प्रहरीले जनाएको छ ।
प्रकाशित मिति: बिहीबार, भदौ २७, २०८१ १३:५७
प्रतिक्रिया दिनुहोस्
साताको लोकप्रीय
