बैतडी – बैतडीको दशरथचन्द नगरपालिका १ श्रीखण्ड पाली स्थित नेपाल राष्ट्रिय माध्यमिक बिद्यालय को ६३ औँ वार्षिकोत्सब तथा अभिभावक भेला शनिबार सम्पन्न भएको छ । बिद्यालय व्यवस्थापन समितिका अध्यक्ष करन सिंह भाट को अध्यक्षतामा  सम्पन्न भएको बार्षिकोत्सव समारोहमा  दशरथचन्द नगरपालिकाका नगर प्रमुख पुष्कर राज जोशी लख्खा भाइ प्रमुख अतिथि रहेका थिए । 

बार्षिकोत्सव समारोहमा नगरपालिकाका प्रबक्ता अजव पाण्डेय, नगर योजना आयोगका उपाध्यक्ष निर्मल पाण्डेय , वडा नम्बर १ का वडा अध्यक्ष बिष्णु दत्त भट्ट ,वडा नम्बर ४ का वडा अध्यक्ष भानदेव भट्ट र कार्यपालिका सदस्य माया पहरी विशिष्ट अतिथि रहेक थिए । 

उक्त समारोहमा बिद्यालयका प्रधानाध्यापक कृष्ण बहादुर बोहराले सामाजिक परिक्षण बाट निर्देशित र अनुमोदित आ.ब २०७९÷०८० असार मसान्तसम्म को कुल आय व्यय ६८ लाख ५ हजार २ सय ४५ रुपैया ३३ पैसा र आ.ब २०८०÷०८१ साउन महिना देखि पौष मसान्त सम्मको ३६ लाख २६ हजार ९ सय ६३ रुपैयाँ बराबरको आय व्यय विवरण प्रस्तुत गरेका छन् । 

बार्षिकोत्सव समारोहमा सास्कृतिक कार्यक्रम सहित विद्यालयका उत्कृष्ट छात्रछात्राहरुलाई पुरस्कार समेत वितरण गरिएको छ । नेपाल राष्ट्रिय माध्यमिक बिद्यालयको सेवा क्षेत्रभित्र रहेका अभिभावक, शिक्षक, विद्यार्थी सुरक्षाकर्मी , संचारकर्मी र अन्य सरोकारवालाहरुको सहभागिता रहेको विद्यालयका प्रद्यानाध्यापक कृष्ण बहादुर बोहराले बताए ।