बैतडी–बैतडीको दशरथचन्द नगरपालिका २ स्थित निङ्गलाशैनी मावि देहीमाण्डौंको ७६ औं बार्षिकोत्सव विविध कार्यक्रमका साथ सोमबार सम्पन्न भएको छ । विद्यालय व्यवस्थापन समितिका अध्यक्ष शंकरबहादुर बोहराको अध्यक्षतामा सम्पन्न भएको बार्षिकोत्सव समारोहमा दशरथचन्द नगरपालिकाका उपप्रमुख कौशीला चन्द प्रमुख अतिथी रहेकी थिइन् । 

समारोहमा दशरथचन्द नगरपालिका वडा नं२ का वडा अध्यक्ष सूर्यबहादुर बोहरा र निर्वतमान वडा अध्यक्ष रनबहादुर बोहरा विशिष्ट अतिथीे रहेका थिए ।

बार्षिकोत्सव समारोहमा विद्यालयका प्रधानाध्यापक प्रेमसिंह बोहराले १ करोड ५३ लाख ४१ हजार ४३६ बराबरको आय र १ करोड ३४ लाख ४७ हजार ६२६ बराबरको व्यय विवरण प्रस्तुत गरेका थिए ।

बार्षिकोत्सवको अवसरमा विभिन्न सांस्कृतिक कार्यक्रमहरु सञ्चालन गरिएका विद्यालयका शिक्षक तिलक बोहराले बताए ।

बार्षिकोत्सवको अवसरमा विद्यालयका उत्कृष्ट छात्रछात्राहरुलाई पुरस्कार समेत वितरण गरिएको शिक्षक बोहराले बताए । यस्तै बार्षिकोत्सवको अवसरमा आयोजना गरिएका विभिन्न खेलकुद प्रतियोगिताका विजेता विद्यार्थीहरुलाई पनि पुरस्कार वितरण गरिएको उनले बताए ।