बैतडी-बैतडीको डिलाशैनी ६ स्थित निङ्गलाशैनी आधारभूत विद्यालयको ३१औँ वार्षिकोत्सव सम्पन्न भएको छ । आज शुक्रबार विभिध कार्यक्रमका बिच विद्यालयको वार्षिकोत्सव सम्पन्न भएको हो ।
डिलाशैनी गाउँपालिका वडा न.६ का वडा अध्यक्ष उत्तर बहादुर बोहरा प्रमुख अतिथि रहेको कार्यक्रमा विद्यालयका प्रधानाध्यापक मोहन बहादुर बोहराले ३४ लाख १८ हजार ९ सय २७ रुपयाँ बराबरको आर्थिक प्रतिबेदन पेश गरेका थिए ।
कार्यक्रममा बोल्दै वडा अध्यक्ष बोहराले विद्यालयको शैक्षिक,भौतिक प्रगतिमा वडा देखि लिएर गाउँपालिका सम्म आफुले सक्दो पहल गर्ने प्रतिबद्धता जनाएको विद्यालयका प्रधानाध्यापक मोहन बहादुर बोहराले जानकारी दिए ।
यस्तै कार्यक्रमका सभापति समेत रहेका विद्यालय व्यवस्थापन समितिका अध्यक्ष नर बहादुर मालले कार्यक्रमको समापन गर्दै निङ्गलाशैनी आ.वि लाई पालिकाको उत्कृष्ट विद्यालय बनाउन सरोकारवाला सबै सँग पहल गर्ने प्रतिबद्धता व्यक्त गरे ।
कार्यक्रममा पर्व कम्प्युटर शिक्षक अमर सिंह माललाई विद्यालय परिवारको तर्फ बाट दोसल्ला ओढाई सम्मान गरेको प्रधानाध्यापक बोहराले बताए ।
