बैतडी- बैतडीमा ट्राफिक प्रहरीले सवारी साधन चेकजाँचमा कडाइ गरेको छ । चाडपर्वका बेला हुने सवारी दुर्घटना कम गर्न जिल्ला ट्राफिक बैतडीले चेकजाँचमा कडाइ गरेको हो ।
चाडपर्वका बेला सवारी दुर्घटना कम गर्नका लागि सवारी साधन चेकजाँचमा कडाइ गरिएको जिल्ला ट्राफिक प्रहरी कार्यालय बैतडीका ट्राफिक प्रहरी प्रमुख तेज रावलले जानकारी दिए ।
यस्तै दशैँको अवधिमा जिल्ला ट्राफिक प्रहरीले ३४ सवारी साधन माथि कारबाही गरेको छ । ट्राफिक नियम उल्लंघन गर्ने पाँच ओटा बस, २४ ओटा जिप र पाँच ओटा मोटरसाइकल कारबाहीमा परेका ट्राफिक प्रमुख रावलले बताए ।
घटस्थापना देखि दशैँ सम्म ट्राफिक नियम उल्लंघन गर्ने सवारी साधनलाई कारबाही गरेर १२ हजार ५ सय राजस्व समेत संकलन गरिएको उनको भनाई छ ।
सवारीसाधन चलाउँदा सवारी चालक अनुमति पत्र (लाइसेन्स) नभएका, मादकपर्दाथ सेवन गरेका, क्षमता भन्दा धेरै यात्रु बोक्ने सवारी साधनलाई कारबाही गरिएको जिल्ला ट्राफिक प्रहरी कार्यालय बैतडीले जनाएको छ ।
