ट्रयाक्टर दुर्घटना हुँदा चालक र सहचालक घाइते
दार्चुला- दार्चुलामा ट्रयाक्टर दुर्घटना भएको छ। बुधबार जिल्लाको मार्मा गाउँपालिका ३ लटिनाथस्थित गोकुलेश्वरको कच्ची भित्री सडकखण्ड क्षेत्रमा से २ च १४८१ नम्बरको ट्रयाक्टर दुर्घटना भएको हो।
प्रहरीका अनुसार दुर्घटना हुँदा चालक र सहचालक घाइते भएका हुन्।मार्मा गाउँपालिका ३ लटिनाथ बस्ने वर्ष २१ का सुनिल विष्टले चलाएको ट्रयाक्टर दुर्घटनामा परेको जिल्ला प्रहरी कार्यालय दार्चुलाले जनाएको छ।
ट्रयाक्टर मार्माको विटुलेबाट सिमेन्ट लिएर लटिनाथतर्फ गइरहेको थियो। ट्रयाक्टर सडक बाट १ सय मिटर तल खसेको बताइएको छ। दुर्घटनामा सहचालक घोडाघोडी नगरपालिका १० पहलमानपूरका वर्ष ३४ का रामलखन चौधरी पनि घाइते भएका छन्।
प्रकाशित मिति: बुधबार, भदौ २०, २०८० १८:३८
प्रतिक्रिया दिनुहोस्
थप दार्चुला
लोकप्रीय
