Sagun Khabar
बैतडीमा बह्रमाकुमारी ईश्वरीय विश्व विद्यालयको सामूहिक रक्षा बन्धन 

बैतडी–बैतडीमा बह्रमाकुमारी ईश्वरीय विश्व विद्यालयले सामूहिक रक्षा बन्धन कार्यक्रम गरेको छ । विभिन्न कामको सिलसिलामा घर जान नपाएका दाजुभाई दिदीबहिनीहरुलाई लक्षित गरेर सामूहिक रक्षा बन्धनको आयोजना गरिएको बह्रमाकुमारी बिमला बोहराले बताइन् । 

रक्षा बन्धनको अवसरमा जिल्ला प्रहरी कार्यालयमा पुगेर सबैलाई रक्षासुत्र बाँधिएको उनले बताइन् । यस्तै जिल्ला अस्पताल बैतडीका बिरामीहरुलाई पनि अस्पतालमै पुगेर रक्षा सुत्र बाँधिदिएको उनले बताइन् ।विश्व विद्यालयको तर्फबाट बिरामीहरुलाई फलफूल समेत वितरण गरिएको थियो । 

यस्तै पाटनस्थित इलाका प्रहरी कार्यालयमा पनि सामूहिक रक्षा बन्धनको आयोजना गरिएको बह्रमाकुमारी बोहराले बताइन् । 

Atrya hospital

Hospital raxa1693484555.jpg

आज बिहान घरेलु तथा साना उद्योग कार्यालयमा आयोजना भएको सामूहिक रक्षा बन्धनमा सहभागी भएका दाजुभाई तथा दिदीबहिनीहरुलाई रक्षा सुत्र बाँधेर रक्षा बन्धन मनाएको बह्रमाकुमारी ईश्वरीय विद्यालयले जनाएको छ । 

दाजुभाई दिदीबहिनीबीचको स्नेहलाई अझै बलियो बनाउन र परमपिता परमेश्वरको स्नेह सुत्रमा बाँध्नका लागि सामूहिक रक्षा बन्धनको आयोजना गरिएको बह्रमाकुमारी बोहराले बताइन् ।  

Police raxa1693484556.jpg

प्रकाशित मिति: बिहीबार, भदौ १४, २०८०  १८:०५
प्रतिक्रिया दिनुहोस्
Weather Update