खोलामा हाम फालेर दार्चुलाकी एक महिला बेपत्ता
दार्चुला –दार्चुलामा एक महिला खोलामा हाम फालेर बेपत्ता भएकी छन् । जिल्लाको नौगाड गाउँपालिका–६ धुलिगडा खेडाकी अन्दाजी ५० वर्षीया अन्फा चुनारा नौगाड खोलामा हाम फालेर बेपत्ता भएकी हुन् ।
मंगलबार राति साढे ११ बजेतिर चुनाराले खोलामा हाम फालेको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए । उनी मानसिक रुपमा अस्वस्थ रहेको बुझिएको उनले बताए ।
बेपत्ता चुनाराको खोजीका लागि प्रहरी टोली खटिएको प्रहरी निरीक्षक सिंहले जानकारी दिए ।
प्रकाशित मिति: बुधबार, भदौ १३, २०८० ११:१२
प्रतिक्रिया दिनुहोस्
थप दार्चुला
लोकप्रीय
