दार्चुलाको अपिहिमालमा एक पुरुष मृत फेला
बैतडी –दार्चुलाको अपिहिमालमा एक पुरुष मृत फेला परेका छन् । जिल्लाको अपिहिमाल गाउँपालिका ६ रुगुरका ६८ बर्षीय महावीर महता मृत फेला परेका जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए ।
अपिहिमाल गाउँपालिका ३ पटेलीगाड महादेव भन्ने स्थानमा उनको शव आज फेला परेको हो । उनी सुर्मा भवानीको जात्रामा सहभागी हुन घरबाट हिँडेका प्रारम्भिक जानकारी आएको प्रहरी निरीक्षक सिंहले बताए ।
यस बिषयमा थप अनुसन्धान भइरहेको जिल्ला प्रहरी कार्यालय दार्चुलाले जनाएको छ ।
प्रकाशित मिति: मंगलबार, भदौ १२, २०८० १८:१५
प्रतिक्रिया दिनुहोस्
थप दार्चुला
लोकप्रीय
