बैतडी- बैतडीका नवउदित गायक जोशीको स्वरमा रहेको यात्रा प्रदेशिको देउडा गीत बजारमा आएको  छ । जिल्लाको दोगडाकेदारका गाउँपालिका वडा नं १ रिम घरभएका दीपक जोशीको स्वरमा रहेको देउडा गीत यात्रा प्रदेशिको बजारमा आएको हो ।

भानुभक्त जोशीको लय तथा कलाकार जे आर भट्टको शब्द सिर्जनामा रहेको सो गीतमा बैतडीका दिपक र  डडेल्धुरा घर भएकी भावना भट्टले स्वर दिएकी छिन् । बिग परिवेश स्टुडियो काठमाडौमा रिकर्ड गरिएको गीतको भिडियो पुष्करराज भट्टले छायांकन गरेका छन् भने गीतमा गायक दीपक राज जोशी, जेआर भट्ट र ज्योति पाण्डेको अभिनय रहेको छ ।

घर छोडेर विदेशिएका युवाहरुको कथा समेटेर तयार पारिएको  गीतमा प्रदेशीकै कथा व्यथालाई देखाइएको छ । यो गीत युवाकलाकार जे आर भट्टको युट्युव च्यानलबाट आईतवार सार्वजनिक भएको हो ।

यात्रा प्रदेशिको गीतमा उत्कृष्ट अभिनय गरेका कलाकार जेआरले संस्कृति जगेर्ना गर्ने उद्देश्यले सुदूरका फाग, सगुन, ठाडी भाका, छलिया, हुड्केली, छेउटा, गौरा, देउडा खेलहरू समाजिक सञ्जालमा पस्किदै आएका छन् ।

गीत हेर्न यो लिंकमा थिच्नुहोस्   https://www.youtube.com/watch?v=AwiiqKKecFg