अछामका दुई जना लागुऔषधसहित डडेल्धुरामा पक्राउ
डडेल्धुरा – अछामका दुई जना लागुऔषधसहित डडेल्धुरामा पक्राउ परेका छन् । अछामको साँफेबगर नगरपालिका–४ का २९ वर्षीय अशोक स्वार र अछामकै चौरपाटी गाउँपालिका–४ का ३२ वर्षीय गणेश धामी लागुऔषधसहित पक्राउ परेका हुन् ।
आइतबार बिहान डडेल्धुराको अमरगढी नगरपालिका–१ स्याउलेबाट दुबै जनालाई पक्राउ गरिएको जिल्ला प्रहरी कार्यालय डडेल्धुराले जनाएको छ ।
धनगढीबाट अछाम जाँदै गरेको सुदूरपश्चिम प्रदेश ०३ ००१ प ००८४ नम्बरको मोटरसाइकलमा सवार स्वार र धामीलाई चेकजाँच गर्दा लागुऔषध फेला परेको प्रहरीले जनाएको छ ।
प्रकाशित मिति: आइतबार, साउन २१, २०८० १७:१९
प्रतिक्रिया दिनुहोस्
थप डडेल्धुरा
लोकप्रीय
