बैतडी –नेपाल क्रिकेट संघ क्यानले एसिसी यू १६ पूर्व क्षेत्रिय क्रिकेट प्रतियोगिताका लागि नेपाली टोलीको  घोषणा गरेको छ । सो टोलीमा बैतडीको मेलौलीका नरेन भट्ट पनि अटाएका छन् । बन्द प्रशिक्षणमा रहेका २४ जनामध्ये भट्ट १४ जनाको टोली घोषणा गरिएको हो । सो टोलीमा बैतडीको मेलौली नगरपालिका ७ काँडा घर भएका भट्ट पनि टोलीमा परेका नेपाल क्रिकेट संघ (क्यान)ले जनाएको छ ।  

टोलीमा समावेस हुने खेलाडीहरुमा नरेन भट्टसंगै दीप भुजेल, कार्तिक कामत, सूर्यांशु कोइराला, रोशन शाह, अभिषेक तिवारी, निरज यादव, सागर गैरे, प्रतिक भट्टराई, सन्तोष यादव, अशोक धामी,  आशिष लुहार, सचिन मल्ल र प्रतिक पोखरेल रहेका छन् ।  

एसियन क्रिकेट काउन्सिल एसिसीले सार्वजनिक गरेको खेल तालिका अनुसार नेपालले जुन २८ मा थाइल्यान्डसँग खेल्दै प्रतियोगिताको सुरुआत गर्नेछ ।

प्रतियोगिताको समूह ‘ए’ मा नेपाल, मलेसिया र थाइल्यन्ड तथा समूह ‘बी’ मा हङकङ, सिंगापुर, माल्दिभ्स र इन्डोनेसिया छन् । 

नेपालले जुन ३० मा आयोजक मलेसियाको सामना गर्नेछ ।