बैतडी- बैतडीमा नेत्रबिक्रम चन्द विप्लव नेतृत्वको  नेपाल कम्युनिष्ट पार्टी नेकपाले  संगठन विस्तार गर्न  थालेको  छ । देशमा भैरहेको भ्रष्टाचार, मानववेचविखन, छुवाछुतका विरुद्ध संघर्ष गर्ने हेतुले संगठन निर्माण भैरहेका विप्लव  बैतडीका जिल्ला सेक्रेटरी श्याम भट्टले  जानकारी दिए ।

संगठन विस्तारका क्रममा जिल्लाको  सुर्नया गाउँपालिकामा बिहीवार  समितिहरु  गठन गरिएका छन् । गाउँपालिकाको वडा नं २ सतबाँझमा  बसेको  भेलाले युवा  संगठन नेपालको २४ सदस्यीय  जिल्ला समिति र  श्रमिक समुदाय मोर्चाको २४ सदस्यीय जिल्ला समिति गठन गरेको  जिल्ला सेक्रेटरी  भट्टले बताए ।

महेन्द्र  सिंह सी को युवा संगठन नेपालको समिति गठन गरिएको  छ भने निशचल सी को अध्यक्षतामा  समिति गठन गरिएको  हो । व्याप्त भ्रष्टाचर विरुद्ध सघर्षका कार्यक्रम गर्नका लागि  समितिलाई  सकिृय पार्न  खोजिएको  उनको  भनाई  छ । जिल्ला इन्जार्च  राम सिंह सी को प्रमुख आतिथ्यतामा सतबाँझमा  भएको भेला सम्पन्न भएको  हो । सबै पालिकामा संगठन विस्तार गरिने  बताइएको  छ ।