बैतडी- बैतडीका स्थानीय तह अगामी आर्थिक वर्षको नीति तथा कार्यक्रम र बजेटको तयारीमा जुटेका छन् । जिल्लाका १० ओटै स्थानीय तह अहिले अगामी आर्थिक वर्ष २०८०÷८१को नीति तथा कार्यक्रम र बजेटको तयारीमा जुटेका हुन् ।
जनप्रतिनिधिहरुले अगामी आर्थिक वर्षको नीति तथा कार्यक्रम र बजेटका लागि तयारी भैरहेको बताएका छन् । असार १० गते भित्र नीति तथा कार्यक्रम र बजेट ल्याउने तयारी भएको पाटन नगरपालिकाका नगर उपप्रमुख कमल सिंह बोहराले बताए ।
केहि दिन पहिले नगर भित्रका बौद्धिक व्यक्तिहरु संग सुझाव मागिएका र प्राप्त सुझावकै आधारमा नीती तथा कार्यक्रम बनाइन लागिएको उनले बताए । यस्तै मैलौली नगरपालिकाका नगर प्रमुख भिम बहादुर चन्दले असार पहिलो साता नीति तथा कार्यक्रम ल्याउने तयारी भएको बताए ।
केहि दिनमै नगरसभा बस्ने र त्यसपछि नीति तथा कार्यक्रम ल्याउने तयारी भएको उनले बताए । २ गते भित्र नीति तथा कार्यक्रम ल्याउने तयारी भएको र बजेट निर्माणमा छलफल भैरहेको नगर प्रमुख चन्दले बताए । यस्तै जिल्लाको सुर्नया गाउँपालिकाले पनि नीति तथा कार्यक्रम र बजेट निर्माणमा जुटेको बताएको छ ।
समय सीमा भित्रै बजेट ल्याउनका लागि अहिले आवश्यक छलफल भैरहेको गाउँपालिकाका अध्यक्ष अम्मर बहादुुर कुँवरले बताए । पालिकाबासीहरु संग सुझाव सल्लाह मागेर नीति तथा कार्यक्रम र बजेटका लागि छलफल भैरहेको उनले बताए । जनप्रतिनिधिहरु विज्ञका राय सुझाव लिएर नीति तथा कार्यक्रम र बजेट निर्माणमा जुटेका हुन् ।
शिक्षा, स्वास्थ्य, कृषिलाई प्राथमिकतामा राखेर नीति तथा कार्यक्रम र बजेट निर्माण भैरहेको जनप्रतिनिधिहरुको भनाई छ । अन्य स्थानीयतहरुले पनि नीति तथा कार्यक्रम र बजेट निर्धारित समयमै ल्याउने गरि तयारी भैरहेको बताएका छन् ।
संविधानतहःस्थानीय सरकारले आगामी असार १० गते भित्र बजेट ल्याइसक्नु पर्छ । यहाँका स्थानीयतहरु नीति तथा कार्यक्रम र बजेट निर्माणमा जुटिरहेका बेला युवाहरुले रोजगारी सिर्जन गर्ने खालका योजना प्राथमिकतामा राख्नु पर्ने बताएका छन् । वितरणमूखि भन्दा नतिजा दिने खालका योजना प्राथमिकतामा राख्नु पर्ने युवाहरुको भनाई छ ।
