बैतडी- बैतडीमा जेष्ठ नागरिकलाई दौडाइएको छ । जिल्लाको मेलौली नगरपालिका वडा नम्बर ७ मा वडा स्तरिय जेष्ठ नागरिक दौड प्रतियोगिता सञ्चालन गरेर जेष्ठ नागरिकहरुलाई दौडाइएको हो ।
वडास्तरिय खेलकुद विकास समितिको आयोजना तथा वडा कार्यालयको आर्थिक सहयोगमा प्रतियोगिता गरिएको वडा नम्बर ७ का वडा अध्यक्ष रामचन्द्र भट्टले बताए । दौड प्रतियोगीतामा ७ जना जेष्ठ महिला तथा ६ जना जेष्ठ पुरुष गरि १३ जना जेष्ठ नागरिकको सहभागिता थियो ।
सो प्रतियोगितामा महिला तर्फ प्रथम पशुपति अवस्थि, द्धितिय सुर्मादेवी कार्की र तृतिय धना चन्द ठकुरानी रहेका छन् । यस्तै पुरुष तर्फ इन्द्र सिहं कार्की प्रथम, द्धितिय शेरी चन्द र तृतिय कृष्ण सिंह भाट भएका हुन् । प्रततियोगितामा प्रथम हुनेलाई ८ हजार, द्धितियलाई ५ हजार र तृतियलाई ३ हजार नगद सहित मेडल र प्रमाणपत्र प्रदान गरिएको वडा अध्यक्ष भट्टले बताए ।
यस्तै अन्य सहभागी जेष्ठ नागरिकहरुलाई पनि नगद ७ सय तथा मेडल र प्रमाणपत्र प्रदान गरिएको बताइएको छ । पछिल्लो समय शारिरिक व्यायामको अभावले नसर्ने रोगहरु बढ्दै गएकाले यी यस्ता प्रतियोगीतबाट स्वस्थ जीवनशैलीमा फाइदा पुग्ने अपेक्षा गरिएको छ ।
