बैतडी- बैतडीमा फेला परेको बेवारीसे शवको सनाखत हुन सकेको छैन् । शुक्रबार राति जिल्लाको शिबनाथ गाउँपालिका–२ खैरेनि नजिक महाकाली नदीको किनारमा फेला परेको अन्दाजी ३५वर्षीय पुरुषको शव  सनाखत हुन नसकेको हो ।

सडेको अवस्थामा भेटिएका पुरुष को हुन  भन्ने अझै पहिचान हुन नसकेको जिल्ला प्रहरी कार्यालय बैतडीका  प्रवक्ता प्रहरी निरीक्षक योगेश खत्रीले बताए ।

अनुहार सडेको अवस्थामा शव भेटिएकाले  पहिचानमा समस्या भएको उनले बताए । मृत भेटिएका पुरुषको शरिरमा कालो पाईन्ट, निलोकालो कलरको कलरवाला टिसर्ट छ ।

सो शवलाई अहिले  जिल्ला अस्पताल बैतडीमा राखिएको छ । शव बारे थप अनुसन्धान भैरहेको प्रहरी प्रवक्ता खत्रीले बताए ।