बैतडी –बैतडीमा आइतबार ८ जनाले कोरोना जितेका छन् । दोगडाकेदार गाउँपालिकाका ३, पञ्चेश्वर गाउँपालिकाका २, पाटन नगरपालिकाका २ र शिवनाथ गाउँपालिकाका एकजनाले कोरोना जितेको स्वास्थ्य कार्यालयले जनाएको छ ।
यस्तै आज थप ७ जनामा कोरोना पुष्टि भएको छ । डिलाशैनी गाउँपालिकाका ५, दशरथचन्द नगरपालिकाका १ र दोगडाकेदार गाउँपालिकाका थप एकजनामा कोरोना पुष्टि भएको हो ।
जिल्लामा अहिले ५२ जना सक्रिय संक्रमित रहेका छन् । सक्रिय संक्रमित मध्ये पाटन नगरपालिकामा २७ जना, दशरथचन्द नगरपालिकामा ११ जना, डिलाशैनी गाउँपालिकामा ५ जना, दोगडाकेदार गाउँपालिकामा ३ जना र सिगास गाउँपालिकामा ३ जना रहेका छन् ।
यस्तै पञ्चेश्वर गाउँपालिका र सुर्नया गाउँपालिकामा एक÷एक जना सक्रिय संक्रमित रहेका छन् । बैतडीमा जिल्ला बाहिरका एकजना सक्रिय संक्रमित रहेका छन् । पछिल्लो समयमा जिल्लामा संक्रमणदर घट्दै गएको छ ।
