बैतडी- जिल्ला प्रशासन कार्यालय बैतडीमा स्वचालित विद्युतीय टोकन प्रणाली शुरु गरिएको छ। सेवाग्राहीलाई सहजरूपमा सेवा दिनका लागि स्वचालित  विद्युतीय टोकन प्रणाली शुरु गरिएको हो ।  

शुक्रबारबाट स्वचालित विद्युतीय टोकन प्रणाली शुभारम्भ गरिएको  जिल्ला प्रशाासन कार्यालय  बैतडीका सूचना अधिकारी  शंकर बहादुर  बोहराले  जानकारी दिए  ।  यसले सेवाग्राहीलाई सहज हुने उनले बताए  । गत असारदेखि प्रशासनमा टोकन  प्रणाली लागु गरिए पनि स्वचालित भने थिएन ।

अहिले कार्यालयले  स्वचालित मेसिन जडान गरेको छ । सेवाग्राहीले अव सिधै टोकन लिएर सेवा लिदाँ लामो समय  लाईनमा बस्नु पर्ने बाध्यता हट्ने  बताइएको  छ । यसबाट  समयको बचत हुने र  टाढाका सेवाग्राहीलाई  सहज हुने भएको हो  ।  प्रशासन कार्यालय मार्फत प्रदान हुने सेवालाई पार्दशि र प्रभावकारी बनाउन स्वचालित विद्युतीय टोकन प्रणालीको व्यवस्था गरिएको उनले  बताए ।

अब उपरान्त  जिल्ला प्रशासन कार्यालयमा नेपाली नागरिकताको प्रमाणपत्र लिन, नागरिकताको प्रतिलिपि लिन, राष्ट्रिय परिचय पत्रको विवरण दर्ता गर्न, राहदानी बनाउन र नाबालिग परिचयपत्र बनाउन लगायत सेवा लिन आउने सबैलाई स्वचालित  विद्युतीय टोकन प्रणालीका आधारमा सेवा प्रवाह हुने सूचना अधिकारी बोहराले  बताए ।