दार्चुला –दार्चुलाको अपिहिमालमा असिनाले बालीनाली नष्ट गरेपछि किसानहरु चिन्तित भएका छन् । शनिबार साँझ परेको असिनाले गहुँबाली, मकैबाली र तरकारीबालीमा क्षति पुर्याएको अपिहिमाल गाउँपालिका वडा नं १ का स्थानीय करनसिंह धामीले बताए । 

वडा नं १ को आरुखोड, सीती लगायतका ठाउँमा असिनाले बालीनाली नष्ट गरेको छ भने वडा नं २ को घुसामा पनि असिनाले क्षति पुर्याएको धामीले बताए । 

अपिहिमालमा चैतको दोश्रो सातातिर किसानहरुले मकै लगाएका थिए । भर्खर उम्रीरहेको मकै असिनाले सखाप पारेको धामीले बताए । यस्तै आलु, गहुँखेतीमा पनि असिनाले क्षति पुर्याएको बताइएको छ ।