बैतडी –दार्चुलाको व्याँस गाउँपालिका १ भोलममा हिमपहिरोमा पुरिएर ५ जना बेपत्ता भएका छन् । १२ जना मध्ये ७ जना प्रहरीको सम्पर्कमा आएका र ५ जना बेपत्ता रहेका जिल्ला प्रहरी कार्यालयका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए ।
यार्सा गुम्बा संकलन गर्न गएकाहरु हिमपहिरोमा परेका हुन् । हिमपहिरो परेको ठाउँमा नेपाल प्रहरी र सशस्त्र प्रहरीको टोली पुगेको भएपनि हिमपात भइरहेका कारण उद्धारमा कठिनाइ भइरहेको प्रहरी निरीक्षक सिंहले बताए ।
हिमपहिरो खसेको ठाउँमा सशस्त्र प्रहरी नायब उपरीक्षक ईश्वरीदत्त भट्टको नेतृत्वमा सशस्त्र प्रहरी खटिएको छ भने नेपाल प्रहरी पनि खटिएको प्रहरी निरीक्षक सिंहले जानकारी दिए ।
मंगलबार दिउँसो त्रिपाल भएको ठाउँमा फर्कने क्रममा उनीहरु हिमपहिरोमा परेका प्रहरीले जनाएको छ । बेपत्ता हुनेको पहिचान भने हुन सकेको छैन् । लगातारको बर्षाका कारण हिमाली क्षेत्रमा हिमपात भइरहेको छ ।
