दार्चुला –दार्चुलामा हिमपहिरोमा परेर कम्तीमा ६ जना बेपत्ता भएका छन् । जिल्लाको व्याँस गाउँपालिका १ भोलुम भन्ने ठाउँमा हिमपहिरो जाँदा ६÷७ जना यार्सा संकलक पुरिएको खबर आएको जिल्ला प्रहरी कार्यालयका प्रवक्ता एवं प्रहरी निरीक्षक ज्ञानेन्द्रबहादुर सिंहले जानकारी दिए । 

मंगलबार दिउँसो हिमपहिरो गएको बताइएको छ । हिमपहिरोमा परेर यार्सा संकलक बेपत्ता भएको खबर आएपछि सितापुल प्रहरीचौकीबाट प्रहरी टोली घटनास्थलतर्फ गएको प्रहरी निरीक्षक सिंहले बताए । टोलीलाई घटनास्थल पुग्न तीन घण्टा लाग्ने र प्रहरी टोली पुगेपछि मात्रै थप जानकारी आउने उनले बताए । यार्सा संकलकहरु पालमुनि बसेको बेला एक्कासी आएको हिमपहिरोले पुरेको जानकारी आएको  छ । 

जिल्लाको व्याँस र अपिहिमाल गाउँपालिका नागरिक अहिले यार्सा संकलनका लागि हिमाली क्षेत्रमा रहेका छन् ।