तुइनबाट महाकालीमा खसेर दार्चुलाका एकजना बेपत्ता
दार्चुला –दार्चुलामा तुइनबाट महाकाली नदीमा खसेर एक पुरुष बेपत्ता भएका छन् । व्याँस गाउँपालिका २ दुम्लिङका ४५ वर्षीय सिङ्दल सिंह भण्डारी तुइनबाट खसेर बेपत्ता भएका वडा अध्यक्ष धिरेन सिंह बुढाथोकीले जानकारी दिए ।
शनिबार दिउँसो साढे १ बजेतिर भण्डारी नेपालबाट भारत जाने बेला तल्लो दुम्लिङस्थित तुइन घाटबाट खसेर बेपत्ता भएको उनले बताए ।
तुइनबाट एकजना मानिस खसेको जानकारी आएको र घटनास्थल तर्फबाट प्रहरीचौकी दुम्लिङबाट टोली खटिएको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए ।
प्रकाशित मिति: शनिबार, वैशाख ९, २०८० १४:५७
प्रतिक्रिया दिनुहोस्
थप दार्चुला
लोकप्रीय
