बैतडी –सञ्चारकर्मी लक्ष्मण बिसीको पहिलो देउडा गीत साई बाज सार्वजनिक भएको छ । बिसीको शब्द रहेको गीतमा लोक देउडा गायक दीपक संगम बिसी र चर्चित गायिका अनु चौधरीको स्वर रहेको छ ।
बिसीको देउडा गीत दीपक संगम बिसीको युटुब च्यानलमार्फत सार्वजनिक भएको हो । सो गीतमा गायक बिसीले संगीत भरेका छन् भने एरेन्ज र मिक्सीङ्को काम पनि दिपक संगम बिसीले नै गरेका छन् ।
गीतको भिडियोमा गायक दिपक संगम बिसी र सुस्मीता कुवँरको अभिनय रहेको छ भने भिडियोको निर्देशन तथा कोरीयोग्राफी टेकेन्द्र शाहले गरेका छन् ।
लामो समयदेखि सञ्चारकर्ममा रहेका बिसी साहित्यको क्षेत्रमा पनि कलम चलाउँदै आएका छन् । उनले दर्जनौ कविता, गजल र मुक्तक लेखिसकेका छन् ।
देउडा गीत मार्फत समाजको यथार्थ चित्रण गर्ने उद्देश्यले आफूले गीतको शब्द सिर्जना गरेको बिसीले बताए । हाल उनी रेडियो मेलौलीमा स्टेशन म्यानेजरको रुपमा कार्यरत रहेका छन् ।
