दार्चुला –दार्चुलामा १० जना जुवाडे पक्राउ परेका छन् । जिल्ला सदरमुकामको एक घरबाट प्रहरीले जुवा खेलिरहेको अवस्थामा शुक्रबार १० जनालाई पक्राउ गरेको हो । 

महाकाली नगरपालिका–४ बांगाबगडस्थित गणेशसिंह बुढाथोकीको घरमा जुवा खेलिरहेका१० जनालार्ई  प्रहरीले पक्राउ गरेको जिल्ला प्रहरी कार्यालय दार्चुलाका प्रवक्ता, प्रहरी निरीक्षक ज्ञानेन्द्रबहादुर सिँहले जानकारी दिए । 

शुक्रबार साँझ जुवा खेलीरहेका भन्ने सूचनाको आधारमा बुढाथोकीको घरमा पुग्दा नगद ४३ हजार ५ सय ६८ रुपैयाँसहित १० जनालाई पक्राउ गरिएको प्रहरी निरीक्षक सिँहले बताए । पक्राउ परेकाहरुमाथि अनुसन्धान भइरहेको प्रहरीले जनाएको छ ।