दार्चुला –दार्चुलामा मोटरसाइकलले ठक्कर दिँदा तीन विद्यार्थी घाइते भएका छन् । जिल्लाको महाकाली नगरपालिका—७ धापमा म २ प ३९४६ नम्बरको मोटरसाइकलले शुक्रबार दिउँसो  मालिकार्जुन नमुुना मावि धापका तीन विद्यार्थीलाई ठक्कर दिएको हो । 

मोटरसाइकलको ठक्करबाट महाकाली नगरपालिका—८ का १८ वर्षीया सरस्वती भाट, कमला भट्ट र माधवी पाल घाइते भएकी छन् । भाटको टाउकोमा चोट लागेको छ भने उनको अवस्था मध्यम छ । त्यस्तै भट्टको खुट्टा र पालको टाउकोमा चोट लागेको तथा उनीहरुको अवस्था सामान्य रहेको प्रहरीले जनाएको छ ।

मोटरसाइकल चालक महाकाली नगरपालिका–४ का १८ वर्षीय सक्षम निरौलालाई प्रहरीले नियन्त्रणमा लिएको छ । मोटरसाइकल अनियन्त्रित भएर विद्यार्थी ठक्कर दिएको प्रहरीले जनाएको छ ।