बैतडी – पाटनमा जारी जिल्लास्तरीय राष्ट्रपति रनिङ शिल्ड प्रतियोगिता अन्तर्गत छात्रा तर्फको ज्याभलिङ थ्रोमा मेलौली नगरपालिकाले स्वर्ण पदक हात पारेको छ । सो प्रतियोगितामा प्रथम हुँदै सरस्वती बिष्टले नगरपालिकालाई स्वर्ण पदक दिलाएकी हुन् । यसअघि उनले छात्रा तर्फको सटफुटमा पनि स्वर्ण पदक दिलाएकी थिइन् । 

छात्रातर्फको ज्याभलिङ थ्रोमा दोश्रो हुँदै लक्ष्मी दयालले शिवनाथ गाउँपालिकालाई रजत पदक दिलाएकी छन् । यसअघि उनले सटफुटमा पनि दोश्रो स्थान हासिल गर्दै रजत दिलाएकी थिइन् । 

त्यसैगरी दीपा ऐरले तेश्रो हुँदै डिलाशैनी गाउँपालिकालाई कास्य पदक दिलाइन् ।