बैतडी –बैतडीको पाटनमा सञ्चालन भइरहेको राष्ट्रपति रनिङ शिल्ड प्रतियोगितामा मेलौलीलाई दुई स्वर्ण पदक प्राप्त भएको छ । छात्रा तर्फको ३ हजार मिटर र छात्र तर्फको एक सय मिटरको दौडमा मेलौली स्वर्ण पदक हात पारेको हो । 

३ हजार मिटरको छात्रा तर्फको दौडमा मेलौलीकी १४ बर्षीया सुमित्रा चन्दले प्रथम हुँदै मेलौलीलाई स्वर्ण पदक दिलाएकी छन् । यस्तै सो प्रतियोगितामा पञ्चेश्वरकी १७ बर्षीया निर्मला मंगोलाले दोश्रो हुँदै पञ्चेश्वरलाई रजत पदक दिलाएकी छन् । प्रतियोगितामा तेश्रो हुँदै १५ बर्षीया बबिता जोशीले दशरथचन्द नगरपालिकालाई कास्य पदक दिलाएकी छन् । 

यस्तै छात्र तर्फको एक सयमिटरको दौडमा पनि मेलौली नगरपालिकाले स्वर्ण पदक हात पारेको छ । मेलौलीका सन्दीप दयालले प्रथम हुँदै मेलौलीलाई स्वर्ण पदक दिलाएका हुन् । सो दौडमा डिलाशैनीका हरिचन्द्र नाथले दोश्रो हुँदै डिलाशैनी रजत पदक दिलाएका छन् भने तेश्रो हुँदै भुवन भट्टराईले पाटनलाई कास्य पदक दिलाएका छन् ।