दार्चुला –दार्चुलाको अपिहिमाल गाउँपालिकामा दुईओटा पसलमा आगलागी हुँदा क्षति भएको छ । अपिहिमाल गाउँपालिका ४ खण्डेश्वरीका विक्रमसिंह बोहरा र कुन्दनसिंह रोकायाको पसलहरुमा सोलारको ब्याट्री सर्ट भई आगलागी भएको प्रहरीले जनाएको छ ।
आगलागी हुँदा पसलभित्र रहेका सबै सामग्री जलेर नष्ट भएका छन् भने क्षति विवरण आउन बाँकी रहेको प्रहरीले जनाएको छ ।
स्थानीयहरुको सहयोगमा प्रहरीले पसलहरुमा लागेको आगो नियन्त्रणमा लिएको थियो । घटनाका बिषयमा थप अनुसन्धान भइरहेको प्रहरीले जनाएको छ ।
यस्तै डडेल्धुरामा कुखुरा फर्ममा आगलागी भएको छ । अजयमेरु गाउँपालिका १ पालीका काशीराम भाट र उद्धव भाटको कुखुरा फर्ममा विद्युतको तार सर्ट भई गएराति आगलागी भएको प्रहरीले जनाएको छ ।
आगलागीबाट ८ सय र ३४० बोरा कुखुराको दाना जलेर नष्ट भएको प्रहरीले भएको छ । क्षति एकीन विवरण भने आउन बाँकी रहेको छ ।
